კონკურსი ,,The best linguist2”
ქუთაისის #17 საჯარო სკოლა საქართველოს განათლებისა და მეცნიერების სამინისტროს, ამერიკის შეერთებული შტატების საელჩოს, ქუთაისის საგანმანათლებლო რესურსცენტრის, აკაკი წერეთლის სახელმწიფო უნივერსიტეტის ინგლისური ენის დეპარტამენტის, მხარდაჭერით უკვე მეორე წელია აცხადებს 3 ტურიან ონლაინ კონკურსს ინგლისურ ენაში ,,The best linguist” საკომუნიკაციო ტექნოლოგიების გამოყენებით. კონკურსში აქტიურად არიან ჩართული ამერიკელი პედაგოგები პროგრამის "ისწავლე და ასწავლე საქართველოსთან ერთად” ფარგლებში.
კონკურსის მიზანია
მე-7, მე-8 და მე-9 კლასის მოსწავლეთა შორის ინგლისური ენის ცოდნისა, საინფორმაციო ტექნოლოგიების უნარ-ჩვევების განვითარება და საუკეთესო ,,ლინგვისტის” გამოვლენა.
კონკურსის მოთხოვნები:
1. ინგლისური ენის ცოდნა ეროვნული სასწავლო გეგმის შესაბამისად (კლასების მიხედვით);
2. კომპიუტერული უნარ-ჩვევების ფლობა,
3. დავალებების შესრულება On-line რეჟიმში;
4. პირადი Mail & Skype-ს არსებობა;
კონკურსი სამ ეტაპიანია:
I ონლაინ ტური მიმდინარეობს 2010 წლის 24 ნოემბრიდან 30 ნოემბრამდე.
I ტური მოიცავს შემდეგ დავალებებს:
1. წაკითხულის გააზრება;
2. გრამატიკული სავარჯიშო;
3. ტექსტში გამოტოვებული სიტყვების აზრობრივად ჩასმა;
4. სურათის აღწერა.
I ონლაინ ტურის შედეგები გამოქვეყნდება სკოლის ვებ-გვერდზე www.17school.ge
2010 წლის 4 დეკემბერს.
II ტური გაიმართება On-line რეჟიმში. მოხდება კონკურსანტებთან 3 წუთიანი გასაუბრება Skype ის საშუალებით. 2010 წლის 6-7 დეკემბერს (სკოლების ინფორმაციულ მენეჯერებს მოეთხოვებათ LIVE გასაუბრების ტექნიკური უზრუნველყოფა).
II ტურში გამარჯვებული კონკურსანტები
· ამუშავებენ თემას (თემების სახელწოდება განთავსდება ამავე ვებ-გვერდზე II ტურის დასრულების შემდეგ)
· ქმნიან შესაბამის ბლოგს
· ბლოგის მისამართს აგზავნიან ელ-ფოსტაზე moazrovne@17school.ge (ბლოგის მისამართების მიღება შეწყდება 2010 წლის 15 დეკემბერს)
2010 წლის 16 დეკმბერს კონკურსის ვებ-გვერდზე განთავსდება გამარჯვებული ბლოგების ავტორთა სია.
2010 წლის 21 დეკემბერს გაიმართება კონკურსანტთა მიერ შექმნილი საუკეთესო ბლოგების პრეზენტაცია და დაჯილდოების საზეიმო ცერემონიალი.
კონკურსის ჟიურის შემადგენლობა განისაზღვრება საქართველოს განათლებისა და მეცნიერების სამინისტროს, ქუთაისის აკაკი წერეთლის სახელობის სახელმწიფო უნივერსიტეტის ინგლისური ენისა და ლიტერატურის დეპარტამენტის პროფესორ-მასწავლებლებით. განათლების სამინისტროს ინგლისური ენის სწავლების ექსპერტებით , ჯუდი ელიოტი და ბენ პილიგრიმი.
